"A maleta lila" é un obradoiro itinerante que garda no seu interior historias de mulleres que cambiaron o mundo. Unha viaxe a través da palabra para descubrir referentes femininos e reflexionar sobre a igualdade de xénero.
Cris de Caldas abre esta maleta máxica para sacar dela contos, obxectos e dinámicas que convidan á participación activa. Un espazo de aprendizaxe onde se traballa a empatía, o respecto e o empoderamento dende unha perspectiva lúdica e creativa.
Este obradoiro está deseñado para adaptarse a diferentes idades, dende o público infantil ata o adulto, sendo unha ferramenta ideal para bibliotecas, centros culturais e asociacións que queiran promover valores de igualdade.
